有态度的娱乐门户网站!
当前位置:趣明星> 星闻香港>  正文

张敬轩同王菀之合作《拉阔音乐‧剧场版》 林嘉欣演王菀之妈妈

2015-09-30 16:31:27  |  来源:趣明星  |  编辑:斌哥  |  我要分享:
张敬轩同王菀之十年前合作演出《拉阔音乐会》,今年佢哋再度合作演出,今日佢哋就现身商台举行记招,为咗令音乐会更具质感,同包含过去十年佢哋各自喺演艺事业上曾...

张敬轩同王菀之合作《拉阔音乐‧剧场版》 林嘉欣演王菀之妈妈

张敬轩同王菀之十年前合作演出《拉阔音乐会》,今年佢哋再度合作演出,今日佢哋就现身商台举行记招,为咗令音乐会更具质感,同包含过去十年佢哋各自喺演艺事业上曾经喺舞台剧演出,所以决定喺11月18日喺会展举行《拉阔音乐‧剧场版》,更特别诚邀林嘉欣演出。

今次拉阔演出之前,佢哋先会声演广播剧喺电台节目播出,轩仔同王菀之会系情侣关系,而嘉欣饰演王菀之母亲,连嘉欣都承认今次王菀之系佢从影以嚟最大嘅女,而演出当晚就会系呢个广播剧嘅结局篇。

初出道时轩仔同王菀之经常被指系情侣,王菀之话:「喺剧内面系话我暗恋佢在先,然后就不时写信折纸飞机飞畀佢。」轩仔都笑指自己喺剧中先对佢有意思。

讲到点解邀请嘉欣演出,轩仔指当初构思时,大家都觉得再演拉阔都系重音乐感:「加上好多人都锺意我哋各自演唱会中做过嘅音乐剧环节,所以决定将呢个原素加入,而大家一谂就谂到林嘉欣个名,好荣幸嘉欣亦一口答应。」嘉欣自言甚少听音乐,对于佢哋两个嘅认识沿自佢哋舞台剧及电影演出,觉得佢哋非常好就答应演出,嘉欣话:「只要唔叫我唱歌就得,我一唱歌就唔知点解好怕丑。」轩仔透露今次制作班底好强,编剧系写红Van编剧担任,所以故事好有电影质感。

张敬轩同王菀之合作《拉阔音乐‧剧场版》 林嘉欣演王菀之妈妈

张敬轩同王菀之合作《拉阔音乐‧剧场版》 林嘉欣演王菀之妈妈

张敬轩同王菀之合作《拉阔音乐‧剧场版》 林嘉欣演王菀之妈妈

林嘉欣原来一唱歌就会好怕丑

相关星闻