有态度的娱乐门户网站!
当前位置:趣明星> 星闻香港>  正文

陈豪爆老婆挂念儿子 每天早午晚视频

2015-09-25 11:24:08  |  来源:趣明星  |  编辑:斌哥  |  我要分享:
今日陈豪喺中环出席一个新表活动,前主播黄紫盈做司仪。陈豪望落瘦咗好多,佢话:「个个都系咁讲,但已经肥咗。」问系咪同老婆陈茵媺(Aimee)太耐冇见?佢话...

今日陈豪喺中环出席一个新表活动,前主播黄紫盈做司仪。陈豪望落瘦咗好多,佢话:「个个都系咁讲,但已经肥咗。」问系咪同老婆陈茵媺(Aimee)太耐冇见?佢话:「唔系,差唔多每日都见,用视像。」

讲到今年中秋系咪要分开过?陈豪话:「系,太太仲喺大马。」太太好排住小朋友?佢话:「系,早午晚都要比佢见,如果唔见过唔心安。」太太心急返香港?佢话:「当然,挂到不得了,就快拍完戏。」

咁一个凑小朋友搞唔搞得掂?陈豪话:「Ok,冇问题,由第一个(仔)开始就train我。」阿B有冇扭妈咪?佢话:「有呀,佢哋痴妈咪痴得好紧要,O依家爸爸顶住先。」要分开咁耐,问Aimee会否唔想再做咁多嘢?佢话:「一直唔做住都系因为小朋友,今次见时间唔长,等佢enjoy下,拍下戏,好快就返,贬下眼就返嚟。」长时间外出唔ok?陈豪大方话:「我冇所谓,永远都支持佢,睇佢啦。不过佢都觉得唔舍得小朋友。」

问到陈豪同大台张约o依家点,佢话:「ok呀。」同TVB张约几长?佢就避谈:「够啦够啦。」仲有一年约?佢就话唔止,问佢系咪签咗好多年?陈豪话:「我啲contract唔短。」再加签过?佢否认。有传4大高层同艺人见面迫加签10年以上,佢话冇听过,又话:「冇呀,我个约唔系短,Ok啦,唔系约长短,系个合作模式,大家开心,长短有咩所谓。」

之前有报道指陈豪想跟太太唔续约,佢话:「唔系,我续咗好耐。」记者搞GAG话:「咁你唔陪住佢走㖞。」佢就哈哈哈大笑,又劲讲肉麻嘢:「太太一路喺我身边, 一家人成为一体。」

讲到近期好多电视电影平台喺香港准备大展拳脚,问可会考虑?陈豪话:「听到好多消息,自己合作开冇问题又开心,唔见到有离开需要。」咁如果酬劳好啲呢?佢话:「钱唔系唔重要,但唔系着眼喺钱度,最重要发展前景有冇机会,顺风顺水大家开心,咪唔觉得要改变。」咁张约系咪外传嘅得返1年?佢话:「唔系,冇咁嘅事。」咁会叫太太留低?佢话:「我觉得几难答,我系一个父亲,如果一个家庭,梗系希望佢多啲时间放喺家庭,作为Aimee嘅粉丝又希望佢拍戏,揾到个balance,过下戏瘾,又可以唔使拍太长,自己都会支持。」                                

陈豪爆老婆挂念儿子 每天早午晚视频

陈豪爆老婆挂念儿子 每天早午晚视频

黄紫盈

陈豪爆老婆挂念儿子 每天早午晚视频

陈豪爆老婆挂念儿子 每天早午晚视频

相关星闻

推荐星闻