有态度的娱乐门户网站!
当前位置:趣明星> 星闻香港>  正文

传同老公婚姻触礁 温碧霞强忍泪水

2017-07-14 16:06:12  |  来源:趣明星  |  编辑:玢  |  我要分享:
传同老公婚姻触礁 温碧霞强忍泪水。半百海潮温碧霞前日被爆同结婚17年嘅何祖光感情出现问题,有传温碧霞因为事业心重,唔想放弃大陆市场,就算老公想佢多啲留喺香港,佢都坚持要过自己嘅生活,早前上...

传同老公婚姻触礁 温碧霞强忍泪水

半百海潮温碧霞前日被爆同结婚17年嘅何祖光感情出现问题,有传温碧霞因为事业心重,唔想放弃大陆市场,就算老公想佢多啲留喺香港,佢都坚持要过自己嘅生活,早前上大陆节目提到婚姻同家庭,佢话曾经为咗婚姻,放弃事业,不过o依家觉得人生开心系最重要,目前享受当下,又自觉幸运,揾到一份喜欢同享受嘅工作。

温碧霞今日憔悴现身香港机场,讲到话唔系分开时,温碧霞就有啲想喊,但佢强忍住(泪水)再讲:而且件事发生咗之后,我更加明白佢依然都系好关心我囉!咁我依然都系好关心佢囉!咁...我唔识讲...咁记者追问会唔会俾多次机会老公?佢就话:我谂...我谂...发生咗呢件事后,我发觉系最紧要系大家开心囉。开心真系最紧要㗎!我希望我哋两个都要开心,我亦都希望我哋最紧要系大家都要珍惜对方囉!

问佢o依家系咪只系冷静期?佢答:其实一路都冇话要离婚,虽然系分开咗一段时间,完全冇咁严重。真系冇咁严重,只不过系要时间谂清楚,我哋嘅问题系边,因为始终我觉得有问题我唔可以唔讲㗎嘛。我觉得两个系埋一齐冇可能成日都咁开心㗎嘛。可能一定会有啲小问题,最近我自己又好忙呢,大家见面时间又少咗,所以会咁囉。但...anyway,大家放心啦,我会好珍惜对方㗎。因为我觉得呢件事大家都会珍惜。

至于系咪老公唔支持佢嘅演艺上工作,温碧霞就谂咗一谂:唔...我谂够喇,因为佢一直都好support我嘅,只不过...系囉...真系多谢大家关心。但当记者追问到有关囝囝嘅问题时,佢就话唔讲喇,然后就往入闸方向离开。

相关星闻