李德华欲让李栋旭当女婿？暗示拉红线撮合李栋旭同女儿

2015-10-12 15:55:57 | 来源：趣明星 | 编辑：斌哥 | 我要分享：

韩国男星李栋旭自从同大前辈李德华合作完剧集《Hotel King》之后就变得老友鬼鬼，而李德华喺㖊日一集演出节目《拜托了爸爸》入面就揾嚟李栋旭做特别嘉...

韩国男星李栋旭自从同大前辈李德华合作完剧集《Hotel King》之后就变得老友鬼鬼，而李德华喺㖊日一集演出节目《拜托了爸爸》入面就揾嚟李栋旭做特别嘉宾畀个惊喜囡囡，仲似系有意无意想撮合二人。

话说节目上，李德华就同囡囡一齐去到野营场享受天伦之乐，食下嘢，浸下脚舒服下咁，点知，李栋旭就突然现身，搞到囡囡超尴尬，而李栋旭亦表现得唔知点咁，不过坐喺佢哋对面嘅李德华就似乎睇得好开心，成个场面就好似相睇咁。
事后嘅访问入面，囡囡仲话：「浸紧脚嘅时间李柚旭出现，真系好唔好意思呀。」

之后李德华仲当住囡囡面前问到李栋旭屋企人有冇催佢结婚，似系偷偷帮两个人拉红线，点知李栋旭就好唔识做话：「上年有谂过结婚呢件事，之后屋企人就冇再问。」搞到李德华都忍唔住话：「原来你系被屋企人放弃咗嘅小朋友。」

而李德华喺访问环节就话：「虽然我知囡囡同栋旭一齐嘅话会好尴尬，但因为佢哋年纪好近，所以我先叫佢嚟。」再一次暗示相拉近囡囡同李栋旭。

一大波女婿来袭！孟非等10大名嘴女儿颜值PK（图）