有态度的娱乐门户网站!
当前位置:趣明星> 星闻香港>  正文

全程低头玩手机冷落老婆?张智霖:只看了一分钟

2015-10-16 11:08:21  |  来源:趣明星  |  编辑:斌哥  |  我要分享:
㖊日(14号),张智霖(Chilam)被本报拍到佢同老婆袁咏仪(靓靓)约埋老友蔡一智喺中环置地叹茶,素颜嘅靓靓同蔡一智密密斟,但Chilam就全程低头玩...

㖊日(14号),张智霖(Chilam)被本报拍到佢同老婆袁咏仪(靓靓)约埋老友蔡一智喺中环置地叹茶,素颜嘅靓靓同蔡一智密密斟,但Chilam就全程低头玩电话,靓靓都忍唔住去睇吓佢部手机,扰攘一轮先离开,黑面就唔在讲啦。

今晚Chilam到广州撑老板萧定一间影城开幕,解释番当时佢只系笃咗一分钟手机,影嗰阵就系影咗佢嗰一分钟:「唔通我玩电话嗰阵佢系咁喺度笑咩,咁好古怪嘅。我系最反对玩电话,喺屋企都严格管制家庭成员玩电话嘅,因为觉得大家喺屋企嘅时候就应该沟通多啲。」记者笑佢喺屋企唔玩但出到去先玩,Chilam就重申系只系玩咗一分钟。

最近Chilam送咗只过百万嘅钻戒俾太太,佢解释谓冇谂过乜嘢原因要送,「唔知点解要送,亦都唔记得几多钱,有时送礼物系唔需要原因或者乜嘢节日。」

Chilam又谓恭喜老板萧定一投资嘅影城开幕,并谓希望将来更多自己公司制作嘅电影面世。至于投资影城,Chilam自言都有兴趣,觉得潜力大,故迟下都会问老板可否入股。佢仲建议可以揾同公司歌手一齐组团去其他地方开骚,觉得更快成事,又表示有计划明年做导演,问佢会否揾靓靓做女主角?Chilam即笑言:「我怕我控制唔到呢个演员㖞。」

相关星闻

推荐星闻