有态度的娱乐门户网站!
当前位置:趣明星> 星闻香港>  正文

《神行太保2016》刘青云演茅趸华 哈雷古天乐打到腰酸骨痛

2015-10-26 15:16:38  |  来源:趣明星  |  编辑:斌哥  |  我要分享:
由古天乐、刘青云主演嘅电影《神行太保2016》,今日喺北潭涌基督教得生团契戒毒中心开镜拍摄,同场有庄思敏、卢海鹏及朱須然。《神》片以七、八十年代慈云山十...

由古天乐、刘青云主演嘅电影《神行太保2016》,今日喺北潭涌基督教得生团契戒毒中心开镜拍摄,同场有庄思敏、卢海鹏及朱須然。

《神》片以七、八十年代慈云山十三太保为背景,青云饰演茅趸华陈慎之,而古天乐饰演哈雷,青云话佢只有少部份刀光剑影演出,故事集中讲佢戒毒后,如何协助其他黑帮份子重过新生,以及解决更生后面对嘅问题,主要并非讲黑帮。

青云话:「透过部戏我了解咗好多毒品嘅嘢,好开心安排咗个牧师指导,个牧师29岁先至读小学,佢o依家系神学博士,教导好多人。」饰演哈雷嘅古天乐,个角色主要喺七十年代活跃于九龙城,维持区内毒品销售平衡,古仔话:「青云唔使打,我拍5日打3日,打到腰酸骨痛,因为系烂仔交,都系乱打,虽然垫晒pad,打完两只手有两日举唔起,可能拉亲啲根,睇完医生至好啲。」

而庄思敏就饰演古仔老婆,但未尝任何亲近古仔甜头嘅佢,大呻被骗,庄思敏呻话:「我知道可以做古仔女朋友,我话可以收平啲,但系原来俾人呃咗!我同古仔连拖手都冇,我嘅角色有少少辣,净喺有得睇。」                                

《神行太保2016》刘青云演茅趸华 哈雷古天乐打到腰酸骨痛

青云同古仔两个以七、八十年代造型现身。

《神行太保2016》刘青云演茅趸华 哈雷古天乐打到腰酸骨痛

《神行太保2016》刘青云演茅趸华 哈雷古天乐打到腰酸骨痛

(左起)卢海鹏、古天乐、刘青云、庄思敏及朱須然

《神行太保2016》刘青云演茅趸华 哈雷古天乐打到腰酸骨痛

庄思敏话为咗演古天乐女朋友而收平啲。

《神行太保2016》刘青云演茅趸华 哈雷古天乐打到腰酸骨痛

朱須然不停流汗。

相关星闻

推荐星闻