Rain有望出演新剧《再见，我最珍贵的人》

2015-11-04 13:58:05 | 来源：趣明星 | 编辑：斌哥 | 我要分享：

韩流天王Rain早前离开旧公司后自组一人公司Rain Company，由于公司暂时只得佢一个人，身为老板嘅佢自然话晒事专注捧自己先。而今年Rain除咗再...

韩流天王Rain早前离开旧公司后自组一人公司Rain Company，由于公司暂时只得佢一个人，身为老板嘅佢自然话晒事专注捧自己先。

而今年Rain除咗再战乐坛，展开巡回演唱会外，亦有意重返公仔箱见粉丝。事实上，去年Rain已经孖f(x)嘅Krystal拍剧《对我而言可爱的她》，不过收视就认真麻麻，但Rain未有气馁，根据相关人士话Rain将出演新剧《再见，我最珍贵的人》，饰演经历咗死亡之后，外貌同性格以及社会地位都发生巨大变化嘅男主角，而Rain方面就话：「我哋确实接到咗出演邀请，但Rain未决定演唔演。目前，佢要暂时把工作重心放喺演唱会上。」

Rain今年除咗喺内地开骚外，亦会于明年初嚟香港开骚，至于韩国方面，佢下个月11号至13号亦会喺首尔奥林匹克公园手球竞技场举办个人演唱会，今次喺Rain隔咗成四年之后再喺韩国开骚，所以Rain方面都话：「今次演唱会对佢来讲系有特别嘅意义，佢将献上所有嘅热情同汗水。佢现时亦都积极准备个唱，而演唱会嘅门票亦已售罄，首站选择喺湖南。」而《再见，我最珍贵的人》预计明年上半年喺SBS播出。