有态度的娱乐门户网站!
当前位置:趣明星> 星闻韩国>  正文

宋仲基宋慧乔合体撑ViuTV 宋慧乔晒腿现身

2016-04-05 14:01:31  |  来源:趣明星  |  编辑:斌哥  |  我要分享:
由宋仲基同宋慧乔主演嘅KBS《太阳的后裔》明日起将会喺ViuTV隆重首播,双宋㖊日已率先袭港为今日ViuTV开台剧《太阳》做定准备。㖊日双宋抵港时获超过...

由宋仲基同宋慧乔主演嘅KBS《太阳的后裔》明日起将会喺ViuTV隆重首播,双宋㖊日已率先袭港为今日ViuTV开台剧《太阳》做定准备。

㖊日双宋抵港时获超过400粉丝接机,场面墟冚,不会今日喺中环四季酒店举行嘅记者会为怕混乱关系,所以就唔系公开活动,只邀请传媒及8位幸运粉丝到场参与,记者于今日中午12时举行,过百传媒早于11点就到场,但要到11点25分先安排传媒入场,而8位幸运粉丝就获安排喺11点10分先入场内等候。可能唔少粉丝都知道今次唔安排粉丝入场,加上今日唔系公众假期,所以现场唔觉有好多粉丝等候,但仍有唔少粉丝喺出面等,问传媒可唔可以带埋佢哋入场。

活动准时喺12点举行,由黄心美主持活动先,现场先播咗《太阳》嘅片段,大约到12点05分,双宋喺千呼万唤下终于现身记者会,女神同男神出场全场都即时起哄,闪光灯未停过。乔妹先单拖出场,着上V领灰短裙,佢再次晒腿现身。之后到宋仲基出场,佢哋两人合照,先掂一掂乔妹后腰再掂一掂膊头,之后两人合照,乔妹先返入后台,就留返宋仲基喺现场影单人相。

两人之后再合体,乔妹用广东话讲:「大家好,我系宋慧乔」,乔妹话今日好开心来香港,而且同埋宋仲基。之后到宋仲基出场,佢以国语讲:「大家好,我是宋仲基,见到大家好开心。」宋仲基话借呢个机会同乔妹参加呢个活动,真是好开心。

希腊拍剧时有什么难忘经历,宋仲基话:「这部剧是希腊拍,同跟乔妹想法一样,觉得地方好浪漫及好靓,通过电视剧可以直接可以感受到拍摄时候颜色美丽嘅感觉。」

宋仲基退伍后第一部剧,军队生活令到你更加投入角色?宋仲基就话:「有好大帮助,做返军人角色,当兵时感觉仲喺度,做返军人动作觉得冇问题。」

乔妹太阳好晒,皮肤咁好,有什么心得?乔妹就话:「拍剧时化妆师化得好,平时亦有去做facial。」

再问到《太阳》红遍亚洲嘅理由,宋仲基:「呢套剧除咗有动作镜头,仲有浪漫嘅情节。」紧表10位幸运粉丝就上台可以同双宋握手,佢哋仲趁机同双宋握手,到大合照时宋仲基又用左手搭乔妹嘅膊头。到粉丝下台时,粉丝即把握机会同宋仲同握手及抱抱。

之后宋仲基就同高层合照,佢都好识冧女,仲搭女高层嘅膊头,好识冧女,佢哋于12点18分先离开,并准备接受传媒访问,期间台下有记者拿出手机想影双宋合照时,都被保安阻止,可见保安十分严密。

搭膊头

晒腿

密密斟

11点25分开始安排传媒入场

有零碎粉丝等候

ViuTV送畀有幸入场嘅粉丝嘅礼物

相关星闻

推荐星闻