有态度的娱乐门户网站!
当前位置:趣明星> 星闻香港>  正文

《罗生门》合唱比例2:8 Juno:合唱歌不一定要一人一半

2015-07-30 16:04:40  |  来源:趣明星  |  编辑:斌哥  |  我要分享:
《罗生门》引起嘅共鸣,系源自我哋面对旧爱不舍及执迷,十二年前嘅《耿耿于怀》已经说明若怀内放满对你的爱,害怕一直也再没法恋爱,但人总需要勇敢生存,多年后的...

《罗生门》合唱比例2:8 Juno:合唱歌不一定要一人一半

《罗生门》引起嘅共鸣,系源自我哋面对旧爱不舍及执迷,十二年前嘅《耿耿于怀》已经说明若怀内放满对你的爱,害怕一直也再没法恋爱,但人总需要勇敢生存,多年后的「他」身旁已经另有爱侣,只是骨子里仍然放不下那个「她」。

麦浚龙(Juno)今日接受本报专访,感谢外界对《罗生门》喜爱,说到由《耿耿于怀》延伸嘅《念念不忘》系列嘅出现:「如果只系做《念念不忘》讲返十二年前呢个男仔,吸引唔到我去做,我想好夸张咁做,我好贪心,想知道十二年后呢个男仔更多嘅事,我要做一只碟去讲佢同佢身边出现嘅人同事,好似角色扮演咁,用一只碟去知多啲呢个男仔。」

这刻嘅Juno系坚「离地」嘅,离地系因为佢「导演」身份,喺新碟《Addendum》里面,除咗演唱者,亦系一个说故事的人。Juno表示:「拍完电影,习惯咗讲故事嘅模式,如果我哋将呢个男仔嘅故事变成电影,咁就唔可能只系得佢一个角色。到正式同阿Y(黄伟文)开动呢件事,我就同佢通电话话《念念不忘》、《瑕疵》同《罗生门》系必须有嘅。有得呢个十二年前嘅男仔,就会想知十二年前嗰个女仔,即系Kay(谢安琪)嘅相反视点,同埋呢个男仔十二年后嘅现任伴侣点睇,即系Karen(莫文蔚)。」

提到「声演」前度嘅Kay与「声演」现任嘅Karen,Juno直言自构思「他」的故事开始,已经意属两人:「我要知道呢两个女仔处于咩心态、状态。我同Karen识咗好多年,而透过Karen嘅形象,有种淡然感觉,好快观众就会接受到呢个淡然味嘅角色。而我从Kay嘅歌,听到佢好叻运用把声,佢有种不舍,两个都系我第一人选,于是我即刻打畀佢地邀约。」

至于《瑕疵》及《念念不忘》合唱比例,Juno表示系刻意占较少部分,佢话由于冇受过正统音乐及电影训练,创作上啲人可能会问「Why」,但佢会问「Why not」,Juno谓:「拍完电影之后,我习惯企后一步去睇,Day 1我要做《瑕疵》同《罗生门》就已经谂住比例系2:8咁样,因为故事嘅女主角都要有足够场口去交代,要够戏份去饰演,点解合唱歌一定要一人一半?」

《罗生门》合唱比例2:8 Juno:合唱歌不一定要一人一半

(摄影:陈顺祯)

《罗生门》合唱比例2:8 Juno:合唱歌不一定要一人一半

麦浚龙自言冇接受过正统电影及音乐训练。

《罗生门》合唱比例2:8 Juno:合唱歌不一定要一人一半

佢认为合唱歌不一定要一人唱一半。

相关星闻

推荐星闻