吴建豪笑笑口出蝴蝶刀 多人侍候

吴建豪老婆石善贞之前生日，但就冇提吴建豪，网民都问到底老公去咗边，其实佢唔系潜水，只系喺香港赶拍由黄永峰监制、吕冠南和谭广源执导、斥资三千万新戏《潜龙狙击》(唔系大台乜乜狙击系列)。

呢部戏系由吴建豪、安志杰同伍允龙三位猛男孭飞，伍允龙仲兼任动作导演。吴建豪呢部戏博到尽，所有危险动作乎大部份都亲身上阵，今日佢就喺葵涌货柜码头，同大马演员Aaron Aziz有连场对打。

剧情交代Aaron系坏蛋，而吴建豪就出手收服佢，今日仲出动蝴蝶刀，将Aaron打个落花流水。今日中午最高气温有成摄氏34度，仲要外景打戏，苦不堪言，幸而现场不少工作人员贴身照顾吴建豪；吴建豪都好识做，中午3点3「万岁」请剧组食糖水同生果消暑。见其心情好似冇乜嘢，笑笑口咁，但工作人员一早讲明唔准问感情问题，问咗都系唔会答。

休息期间，吴建豪手执蝴蝶刀系咁转，手势俐落，拍摄时出手嘅动作都快夹准，好快就将身形大佢半个码嘅Aaron打倒。

除咗出刀，吴建豪仲起埋飞脚，直劲快，仲狠，连一早安排俾佢嘅替身都唔使，导演谭广源大讚：「吴建豪做嘅动作比替身仲要好，咁我哋当然要用佢嘅片，以后揾佢拍戏，真系可以悭番替身钱。」吕冠南就爆料话吴建豪喺戏中除咗打戏，仲会有搞笑部份。                                

武指示范

现场环境又窄又热

美女贴身照顾

整伤？

要填颜色嘅？

特技化妆是也

又抹汗，因为真系太热

休息期间刀不离手

万岁！