传无线炒冷饭翻拍《寻秦记》罗仲谦黄翠如担正

2015-08-10 16:22:54 | 来源：趣明星 | 编辑：斌哥 | 我要分享：

01 年无线将穿越时空小说《寻秦记》改编成电视剧，揾古天乐、林峯、郭羨妮及宣萱担正。剧集大受欢迎，剧中演员更加人气急升，古天乐仲凭住饰演项少龙一角攞埋视帝。最近有传无线计划下年初翻拍《寻秦记》，但系旧演员冇得留低(古天乐㖞，点请得起先)，预计新版会由罗仲谦担正饰演项少龙，而琴...

01 年无线将穿越时空小说《寻秦记》改编成电视剧，揾古天乐、林峯、郭羨妮及宣萱担正。剧集大受欢迎，剧中演员更加人气急升，古天乐仲凭住饰演项少龙一角攞埋视帝。最近有传无线计划下年初翻拍《寻秦记》，但系旧演员冇得留低(古天乐㖞，点请得起先)，预计新版会由罗仲谦担正饰演项少龙，而琴清同乌廷芳就分别由黄翠如同蔡思贝饰演。

消息喺讨论区引起网民热烈讨论，反应一面倒咁…反对无线揾呢个卡士。有网民仲留言话心目中嘅项少龙只得古天乐，又嫌黄翠如个样唔啱拍古装，唔想无线翻拍污染神剧等等。

早前已经有报导指内地将开拍《寻秦记》，仲以千万人仔利诱喺内地被封为小鲜肉嘅陈伟霆（William）饰演项少龙，预计10或11月开拍，不过经理人霍汶希（Mani）就话要睇William嘅档期。另外，古天乐眼见剧集受观迎，一直有意拍电影版，不过因为剧本嘅问题导致开拍无期，最近终于搞掂，仲计划出年揾埋原班人马开拍电影版。

如果三个都成事嘅话，咁咪闹三胞胎囉？

传无线炒冷饭翻拍《寻秦记》罗仲谦黄翠如担正