Yumi玩IG 逼猷君公开身份

赌王四房儿子何猷君呢排传同「72变整容面」嘅新加坡二人女子组合By2嘅细孖白玮玲（Yumi）翻挞，二人更被映到喺北京出现，猷君更做埋跟得男友。

Yumi嘅IG又「凑巧」有同猷君情侣装嘅星星红cap帽，又玩紧猷君呢期都玩嘅新玩具cyboard电滑板，明眼人都睇得出Yumi畀好多hints畀网民睇佢哋几「心有灵犀」。

学猷君阿妈四太话斋，佢都仲读紧书事业未有成，根本唔会谂结婚，不过Yumi今次好紧张同猷君复合，仲好想逼对方公开女友身份，所以近日喺IG「加重料」暗示，除之前嘅情侣cap同电滑板，呢两个礼拜更留喺香港争取同猷君见面。

喺Yumi嘅IG，呢两个礼拜真系好多留喺香港嘅旅游相，一时喺酒店望出香港夜景相，一时去中环SEVVA食玛莉皇后蛋糕，更留言：「6个月的没胃口吃饭，过份瘦成纸的我，经典吃饭的脸回来了。」

其实之前已有指Yumi宫心计识猷君，如旧年忽然去对方读嘅麻省理工读短期课程，身边密友指佢以异地情难keep，刻意以退为进同猷君主动提出分手，而猷君根本就视呢段情拍散拖，所以当然配合，就算女方3月生日去咗LA，叫猷君飞去陪庆祝，猷君都不为所动。

两个月前，Yumi即采取另一个攻势，就喺IG不时拎番佢哋拍拖旧相「缅怀」一番，不时都写底啲黯然神伤嘅字句，终于用咗半年时间「箍煲」成功。当中有张相Yumi着短tee弯晒腰喺厨房下厨，仲写埋#CookedForThatSpecialOne同#HK等tag，原来正喺四太嘅浅水湾大宅，猷君曾喺自己微博摆过一张家姐超盈喺厨房下厨相背景一样。

另一张相Yumi就揽实猷君嘅雪橇狗话：「I will miss you dreadfully」。仲有一张，喺摆番年头同猷君喺加州华纳片场主题公园嘅相，二人各自都喺同一个有蝙蝠车嘅地方各自影单人照，花尽心思想猷君对佢念念不忘。                                

厨房正是四太浅水湾大宅。猷君曾在微博post过超盈下厨相。

狗有相似，Yumi揽实猷君爱犬。

齐齐去华纳片场主题公园。

Yumi日前喺北京衣着，同佢两星期前贴图话自己喺香港玩滑板车衣着一样，巧多个巧合。

厨房宣言：Cooked For That Special One

I will miss you dreadfully！

次次post都字有玄机FirstPublicEventTogether

今年四月，留言：至少爱过　痛过　付出过　不放弃过　共勉之。

今年3月生日，猷君同佢已分咗手。

呢两个礼拜喺香港。

食中环玛莉皇后蛋糕。