有态度的娱乐门户网站!
当前位置:趣明星> 星闻香港>  正文

刘嘉玲出席「+0 in motion个人手表系列」发布会

2015-08-24 17:46:46  |  来源:趣明星  |  编辑:斌哥  |  我要分享:
刘嘉玲今日喺铜锣湾出席「+0 in motion个人手表系列」发布会,一身露背皮裙现身嘅嘉玲心情大靓,首次推出手表系列,佢更希望未来推出服装品牌,佢话:...

刘嘉玲出席「+0 in motion个人手表系列」发布会

刘嘉玲今日喺铜锣湾出席「+0 in motion个人手表系列」发布会,一身露背皮裙现身嘅嘉玲心情大靓,首次推出手表系列,佢更希望未来推出服装品牌,佢话:「呢个名系有意思,咁多年我都未停过,劳碌生活,做唔同嘅嘢。」提到老公梁朝伟,嘉玲话佢都有份收新手表,更笑言要佢连睡觉都戴住。

嘉玲又被问到有冇留意老友王菲怀孕嘅传闻,佢话:「好耐之前有人问过,我冇求证,我谂唔会再嚟,唔好啦啩!」王菲曾表示不再生育?嘉玲笑说:「好耐之前问过唔会,但系当时唔系呢个(谢霆锋),不过呢个世界好难讲,以我了解就唔会,0依家系叹世界嘅时间。」

提到股市大泻,嘉玲闻言即说:「哗,系呀!身边嘅朋友喊苦喊忽,股票唔实在,买表实在啲。我008(电讯盈科)之后已经斩手指,嗰时我完全外行人玩,以为自己系股神,系一个好惨痛教训。」她更谓现时世界睇落好唔安全,连佢出活动前都遇到法拉利喺街边发生爆炸,近期又有唔少天灾,所以佢都呼吁大家要注意安全,事事小心。

刘嘉玲出席「+0 in motion个人手表系列」发布会

老公梁朝伟都收到新手表,瞓觉都要戴住。

刘嘉玲出席「+0 in motion个人手表系列」发布会

露背皮裙型格十足。

刘嘉玲出席「+0 in motion个人手表系列」发布会

I.T老板沈嘉伟都有到场。

相关星闻

推荐星闻