有态度的娱乐门户网站!
当前位置:趣明星> 星闻香港>  正文

何傲儿凌晨密会周子扬 车厢缠绵四小时

2015-09-09 14:03:46  |  来源:趣明星  |  编辑:斌哥  |  我要分享:
正所谓纸系包唔住火,仲要系热恋中嘅火,何傲儿早前被爆同林建名谱出「爷孙恋」,点知被《苹果》影到何傲儿同有米奀星周子扬拍拖,喺家俬店连环咀,事后何傲儿话同...

正所谓纸系包唔住火,仲要系热恋中嘅火,何傲儿早前被爆同林建名谱出「爷孙恋」,点知被《苹果》影到何傲儿同有米奀星周子扬拍拖,喺家俬店连环咀,事后何傲儿话同男方分咗手,不过,冇耐又有读者向《苹果》爆料指,见到何傲儿同周子扬一齐去首尔玩,一度盛传佢同周子扬搞地下情。

今日有周刊指,上周六影到何傲儿同周子扬嚟个凌晨两点几嘅密会,车厢缠绵四个钟,发现周子扬除咗喺车窗装咗布帘、车中间都有布帘,停车嗰阵,仲加埋遮光罩,为嘅只系遮住坐后座嘅何傲儿。佢哋当日先去尖沙嘴买嘢食,买咗5、6盒外卖,一齐喺车上开餐,食咗一粒钟,食好仲随手将袋垃圾放喺路边,跟手周子扬揸车返咗去将军澳工业邨,坐咗一粒钟就有警察嚟「照田鸡」,警员见到后座乘客,即「温馨提示」有记者在场,叫佢哋拉上车中间嘅布帘。

报道又指,周子扬见有记者在场,即问可唔可以去第二度讲,警车就跟住周子扬座驾返TVB电视城,周子扬逗留咗半个钟,先揸走架车,又再返电视城,之后又再驶去观塘鸿道揾个地方泊低,半个钟之后,就见何傲儿忽然打开后座车门,唔知向车外吐咗啲嘢,又闩番车门,再驶去将军澳。

据周刊指,何傲儿转玩地下情,系因为老窦何父眼角高,拣女婿有要求,本来系想介绍自己个女俾林建名识,等对方可以介绍更有钱嘅男仔俾阿女,盛传佢睇周子扬唔上眼,就算对方系「西贡地王」个仔,点估到自己个女为见情郎,甘愿匿埋喺架车里面,同周子扬拍拖。

周刊都有问过何父,何父一听到「拍拖」二字,就话唔敢讲系咪用呢个字,似乎对阿女同周子扬拍拖有啲抗拒,又称自己冇俾压力个女,亦唔comment反唔反对佢哋拍拖,话阿女咁大个,有自己嘅自由。                                

相关星闻

  • 何傲儿甩富二代周子扬回头找78岁林建名

    香港27岁女星何傲儿去年被曝与78岁富商林建名发展“爷孙恋”,又被曝暗交31岁“富二代小王”周子扬,还传两人才是真心相爱,周子扬的爸爸是“西贡地王”周业德,虽然...

  • 宾馆密会F奶女星3小时 板尾创路认了婚外情

    宾馆密会F奶女星3小时 板尾创路认了婚外情。日本演艺圈再爆丑闻,谐星板尾创路近日被爆出不伦的消息,与F奶写真女星丰田濑里奈在宾馆密会3小时,面对媒体问及此事,女...

推荐星闻